Më në fund flet Januzaj, tregon pse nuk feston me Shqiponje

Adnan Januzaj, sulmusi belg u kritikua se shënoi gol në Botëror kundër Anglisë dhe nuk e festoi me simbolin shqiptar shqiponjën.

Dy lojtarët e Zvicrës me prejardhje nga Kosova, Granit Xhaka dhe Xherdan Shaqiri, u ndëshkuan nga FIFA me gjobë për shkak të festës së tyre me simbolin kombëtar shqiponjën pas golave të shënuar në ndeshjen kundër Serbisë.

E sulmuesi belg, Adnan Januzaj, i cili po ashtu ka prejardhje nga Kosova, ndonëse ka lindur dhe është rritur në Bruksel, edhe pse shënoi gol në këtë Botëror kundër Anglisë, nuk festoi me në të njëjtën mënyrë.

Në një prononcim për AFP-në, Januzaj tha se nuk dëshiron të bëjë festime politike pas golave.

“Nuk jam shumë i përqendruar në momentin pas shënimit të golit”, tha Januzaj, raporton Koha.net, përcjell Albinfo.ch.

“Është gol me plot emocione, po festoja me fansat dhe bashkëlojtarët, por mendoj se janë dy fusha – ajo e futbollit dhe ajo politike. Unë i festoj golat me bashkëlojtarët e mi”, tha Januzaj.